រដ្ឋមន្រ្តីក្រសួងកសិកម្មនាំយកឧបភោគបរិភោ​គនិងសំ​ភារៈជូនប្រជាព​លរដ្ឋដែលត្រូវធ្វើ​ចត្តាឡីស័ក

ដោយពិនិត្យឃើញតម្រូវការចាំចាច់ចំពោះមុខក្នុងការឆ្លើយតបទៅនឹងបញ្ហាប្រឈមរបស់ប្រជាពលរដ្ឋមួយចំនួននៅក្នុងស្រុកតំបែរ ខេត្តត្បូងឃ្មុំ ដែលត្រូវធ្វើចត្តាឡីស័កពាក់ព័ន្ធទៅនឹងព្រឹត្តការណ៍២០ កុម្ភៈនៃការរីករាលដាលនៃជម្ងឺកូវីដ ១៩ និងប្រជាពលរដ្ឋដែលបានវិលត្រឡប់មកភូមិកំណើត ក្រោយពីបានធ្វើចំណាកស្រុកនោះ នៅព្រឹកថ្ងៃទី៣១ ខែមីនា ឆ្នាំ២០២១ នេះ ឯកឧត្តមវេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាល ចុះមូលដ្ឋានស្រុកតំបែរ បានចាត់ឲ្យ ឯកឧត្តម ចាន់ ហេង អនុរដ្ឋលេខាធិការ នាំយកឧបភោគបរិភោគ និងសំភារៈសម្រាប់ស្នាក់នៅ ចំនួន ១០០ សម្រាប់ ទៅប្រគល់ជូន អភិបាលនៃគណៈអភិបាល ស្រុកតំបែរ ដើម្បីចាត់ចែងផ្តល់ជូនប្រជាពលរដ្ឋ ដែលត្រូវធ្វើចត្តាឡីស័ក នាពេលបច្ចុប្បន្ន និងត្រៀមលក្ខណៈសម្រាប់ពេលខាងមុខ ដែលក្នុងនេះរួមមាន៖
-អង្ករ​ ០១តោន;
-ទឹកត្រីបង្កងប៉ាក​៥០យួរ​ (១យួរ​ ៦ដប​);
-ទឹកស៊ីអ៊ីវ​ ៥០យួរ​ (១យួរ​ ៦ដប​);
-ត្រីខ​ ១០០យួរ​ (១យួរ​ ៦កំប៉ុង);
-ប៉ៅអ៊ី ១០០សម្រាប់​;
-មុង​ ១០០សម្រាប់;
-ភួយ​ ១០០សម្រាប់​;
-ទឹកសុទ្ធ​ Vital ១០០កេស​;
សរុបជាថវិកាទាំងអស់ចំនួន ២០ ០០០ ០០០ រៀល។