រដ្ឋមន្ត្រីក្រ​សួងកសិកម្មបាន​អញ្ជើញចូលរួម​កិច្ចប្រជុំតាមរ​យៈប្រព័ន្ធអ​នឡាញ

នាវេលាម៉ោង ០៨:៣០ព្រឹក ថ្ងៃព្រហស្បតិ៍ ១០រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០២ ខែកញ្ញា ឆ្នាំ២០២១ ឯកឧត្តម វេង សាខុនរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ អមដោយឯកឧត្តមរដ្ឋលេខាធិការ អនុរដ្ឋលេខាធិការក្រសួង​ និងឯកឧត្តមប្រតិភូរាជ​រដ្ឋាភិបាលទទួលជាប្រធានរដ្ឋបាលព្រៃឈើបានអញ្ជើញចូលរួមកិច្ចប្រជុំតាមរយៈប្រព័ន្ធអនឡាញ ក្រោមអធិបតីភាពដ៏ខ្ពង់ខ្ពស់របស់ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្រ្តីក្រសួងរៀបចំដែនដី នគរូបនីយកម្មនិងសំណង់ជាប្រធានអង្គប្រជុំដើម្បីពង្រឹងកិច្ចសហប្រតិបត្តិការរវាងក្រសួងទាំង២លើការគ្រប់គ្រងដីរដ្ឋ។ក្នុងកិច្ចប្រជុំដ៏មានសារសំខាន់នាព្រឹកនេះក៏មានការអញ្ជើញចូលរួមពីថ្នាក់ដឹកនាំនៃក្រសួងរៀបចំដែនដី នគរូបនីយកម្ម និងសំណង់ ឯកឧត្តមអភិបាលនៃ គណៈអភិបាលខេត្តព្រះសីហនុ មន្ទីរពាក់ព័ន្ធ និងមន្ត្រីជំនាញផងដែរ៕