សម្តេចតេជោ ហ៊ុនសែន ផ្តល់ម៉ាស៊ីនព្រួសស្រូវខ្នាតតូច១៣០គ្រឿងជូនកសិករនៅស្រុកព្រៃកប្បាស់
តាកែវ៖សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃកម្ពុជាបានប្រគល់ជូនកសិករនៅស្រុកព្រៃកប្បាសនូវម៉ាស៊ីនព្រោះស្រូវខ្នាតតូចក្នុងមួយគ្រួសារមួយគ្រឿង។ក្នុងឱកាសអញ្ជើញពិធីបង្ហាញទំណើបកម្មផលិតកម្មដំណាំស្រូវជាមួយប្រជាកសិករនៅភូមិសេដ្ឋីនិងភូមិពន្លកក្នុងឃុំបានកាមស្រុកព្រៃកប្បាសខេត្តតាកែវនៅព្រឹកថ្ងៃទី២១ខែកក្កដា។
បន្ទាប់ពីបានពិនិត្យមើលនិងសាកសួរពាក់ព័ន្ធនឹងការធ្វើស្រូវដោយគ្រឿងយន្តកសិកម្មរួចមកសម្តេចតេជោហ៊ុនសែនបានបញ្ជាទិញម៉ាស៊ីនព្រោះស្រូវខ្នាតតូច១.០០០គ្រឿងនិងខ្នាតធំ១.០០០គ្រឿងសម្រាប់ចែកជូនកសិករនិងសមាគមកសិករ។សម្តេចក៏បានផ្តល់ជូនកសិករនៅឃុំបានកាមស្រុកព្រៃកប្បាសខេត្តតាកែវដែលជាទីតាំងផលិតស្រូវមួយដ៏សំខាន់របស់ខេត្តតាកែវ ចំនួន១៣០គ្រួសារ។
ដោយក្នុង១គ្រួសារ១គ្រឿងជាការលើកទឹកចិត្តដល់កសិករឱ្យខិតខំប្រឹងប្រែងបន្តទៀត។បើតាមសម្តេចតេជោហ៊ុនសែនម៉ាស៊ីនព្រោះស្រូវខ្នាតតូចនេះមានតម្លៃ១.១០០ដុល្លារក្នុង១គ្រឿងនិងខ្នាតធំតម្លៃ១.៣០០ដុល្លារ១គ្រឿង។ម៉ាស៊ីនព្រោះស្រូវនេះផលិតនៅក្នុងស្រុក៕
